रुकुम पश्चिमको सानीभेरी गाउँपालिका वडा नम्बर ५ मा अपराह्न ३ः१५ बजेसम्म ७९ प्रतिशत मत खसेको छ । कुल १४ सय ३४ मतदाता रहेको यस वडामा ११ सय ३५ मत खसिसकेको छ । यो कुल मतदाताको ७९.१४ प्रतिशत हो । मतदान गरेका मध्ये पुरुष ५३२ र महिला ६०३ रहेको मुख्य निर्वाचन अधिकृतको कार्यालयले जनाएको छ । ५ बजेसम्म मतदान गर्ने समय रहेको छ । यहाँ ८० प्रतिशत बढी नै मतदान हुने देखिएको छ । यस वडामा नेकपा माओवादी केन्द्र र नेपाली काँग्रेस प्रतिस्पर्धामा छन् ।