रुकुम पूर्वको पुथाउत्तरगंगा गाउँपालिका उपाध्यक्ष पदको लागि भएको उपनिर्वाचनको ४ वटा वडाको मत परिणाम सार्वजजिक भएको छ । सुरुवातदेखि अग्रता लिएको माओवादी केन्द्रले ४ वटा वडाको मत परिणाम सार्वजनिक हुँदासम्म अग्रता कायमै राखेको छ । वडा नम्बर १, २, १३ र १४ को मत गणना गर्दा माओवादी केन्द्रकी उम्मेदवार नरपुरा बुढा पुनले ३ सय ७६ मतले अग्रता कायम गर्दै १ हजार ७६ मत प्राप्त गर्दा रुख चिन्हबाट उम्मेदवार बन्नुभएकी एमालेकी केशकुमारी तुलाचनले ७ सय मत प्राप्त गर्नुभएको छ । ५१ मत बदर भएकाे छ । 

अव १० वटा वडाको मत गणना हुन बाँकी छ ।  यहाँ ५ हजार ९ सय ३१ मतदाताले मतदान गरेका छन् । मत गणना जारी रहेको मुख्य निर्वाचन अधिकृतको  कार्यालयले जनाएको छ ।