रूकुम पश्चिमबाट एक बालककाे उद्धार गरिएकाे छ । खलंगा बजारमा करिब २ महिना देखि बेवारिस अवस्थामा रहेका अन्दाजी ९ वर्षीय ओम गाेसाईकाे उद्धार गरिएकाे हाे । बाँफिकाेट गाउँपालिका वडा नम्बर २ जिपु घर बताउने प्रलाद गाेसाई र सपना दमाईका छाेरा ओमलाई उद्धार गरि रूपन्देहीकाे बुटलमा रहेकाे सिर्जनशील संस्था नेपाल (सिन)मा पठाइएकाे छ । 

लामाे समय जिल्ला बालकल्याण समितिमा काम गरि हाल सानीभेरी गाउँपालिकामा कार्यरत मानवीर ओेलीकाे पहल, जिल्ला प्रहरी कार्यालयकाे सहयाेग र मुसिकाेट नगरपालिकाकाे आर्थिक सहयाेगमा उक्त बालककाे उद्धार गरिएकाे हाे । उक्त बालकलाई सिर्जनशील संस्था नेपालमा छाेड्न जिल्ला प्रहरी कार्यालयका एकजना प्रतिनिधि समेत गएका थिए ।

राष्ट्रिय  बाल अधिकार परिषदसंगकाे समन्वयमा बेवारिस बालककाे व्यवस्थापन गरिएकाे बाल अधिकार अधिकृत ओलीले जानकारी दिनुभयाे । उनी खलंगाका सडक पेटीमा बस्दै आएका थिए ।