हुम्लाको सर्केगाड गाउँपालिका उपाध्यक्षमा माओवादी केन्द्रकी उम्मेदवार देवकी  तिमल्सिना विजयी हुनुभएकाे छ । खसेको कुल ४ हजार ५२४ मतमध्ये माओवादीकी तिमल्सिना १६ सय ३७ मतसहित निर्वाचित हुनुभएकाे हाे ।

उहाँका निकटतम प्रतिद्वन्द्वी काङ्ग्रेसकी सविता बुढाले १५ सय ९४ मत ल्याउनुभयाे ।  यस्तै एमालेका जाना शाहीले ११ सय ३२ मत प्राप्त गर्नुभयाे भने राप्रपाले ५१, रास्वपाले २५ र स्वतन्त्र उम्मेदवारले ९ मत ल्याए ।

यस्तै ७८ मत बदर भएको जिल्ला निर्वाचन कार्यालय हुम्लाका निमित्त जिल्ला निर्वाचन अधिकारी भिमबहादुर रोकायाले जानकारी दिनुभयाे । 

०७९ मा माओवादीका चन्द्रसिंह कार्कीले ३ हजार २६९ मत ल्याएर जित्नुभएकाे थियाे । केही समयअघि सडक दुर्घटनाका कारण मृत्यु भएपछि यहाँ उपनिर्वाचन भएको हो ।  माओवादीले उक्त सिट अहिले पनि सुरक्षित राख्न सफल भएको छ ।