रुकुम पूर्वको सिस्ने गाउँपालिका वडा नम्बर ६ पाखागाउँमा गएराती अटो दुर्घटना हुँदा एक बालिकाको मृत्यु भएको छ । भने ४ जना घाइते भएका छन् । लुम्बनी प्रदेश ०२००१ ह ०३५० नम्बरको अटो मध्यपहाडी सडक खण्डको पाखाँगाउँबाट रुकुमकोट आउँदै गर्दा दुर्घटना हुँदा सिस्ने गाउँपालिका ६ खोपिचारकी १२ वर्षिया बालिका विष्णु बुढा मगरको मृत्यु भएको हो । 

घाइते हुनेमा सिस्ने गाउँपालिका वडा नम्बर ६ का १६ वर्षिय महेन्द्र बुढा मगर, १४ वर्षिया सुशिला बुढा मगर, ११ बर्षिया सुस्मिता बुढा मगर र अटो चालक सिस्ने गाउँपालिका ५ का ४० वर्षिय टोपबहादुर कार्की रहेको जिल्ला प्रहरी कार्यालय रुकुम पूर्वका सूचना अधिकारी प्रहरी निरीक्षक हिमबहादुर केसीले जानकारी दिनुभयो ।

 उहाँका अनुसार गम्भीर अवस्था रहेका १६ वर्षिय महेन्द्रलाई थप  उपचारको लागि नेपालगञ्ज पठाएको छ । अन्य ३ जनाको अवस्था सामान्य रहेको र  जिल्ला अस्पताल रुकुमकोटमा उपचार भइरहेको प्रहरी निरीक्षक केसीले जानकारी दिनुभयो । अटो अनियन्त्रित भई सडकबाट ५० मिटर तल खसेको प्रहरीले जनाएको छ ।