पत्रकार महासंघ रुकुम पश्चिममा महिला उपाध्यक्ष सहित छ जना निर्विरोध निर्वाचित भएका छन् । बुधबार भएको मनोनयन दर्ताका  क्रममा एक पदका लागि एक उम्मेदवारले मात्र उम्मेदवारी दिएपछि उनीहरु निर्विरोध निर्वाचित भएका हुन् । निर्वाचित हुनेमा महिला उपाध्यक्ष प्रेस यूनियनको तर्फबाट सुमित्रा केसी, प्रेस सेन्टरबाट सह-सचिवमा प्रचण्ड खत्री, सह-सचिव समावेशीमा प्रेस युनियनकी छिमा केसी, कोषाध्यक्षमा प्रेस सेन्टरबाट सन्देश जैसी निर्विरोध निवार्चित भएको निर्वाचन समितिले जनाएको छ ।

त्यस्तै प्रेस चौतारीबाट गनेश विक चिन्तन केन्द्रिय परिषद सदस्य र समाजवादी प्रेस संगठनबाट क्षितिज विश्वकर्मा दलित सदस्यमा निर्विरोध निर्वाचित भएको निर्वाचन अधिकृत अधिवक्ता अमरबहादुर ओलीले जानकारी दिनुभयो । अध्यक्षमा चार, उपाध्यक्षमा तीन तथा सचिवमा दुई जनाको उम्मेदवारी परेको छ । यी पदमा निर्वाचन हुने छ । अन्य सदस्यमा भने उम्मेदवारी नपरेको निर्वाचन समितिले जनाएको छ । 

उम्मेदवार उपर दावि विरोध, उम्मेदवारले नाम फिर्ता लिने तथा अन्तिम नामवली प्रकाशन मंसिर २७ गते भोली गर्ने कार्यतालिका रहेको छ । मतदान भने मंसिर २८ गते १० बजेदेखि साँझ ४ बजेसम्म सञ्चालन गर्ने कार्यतालिका रहेको छ ।