नेपाल पत्रकार महासंघ रुकुम पूर्वको जिल्ला शाखा अध्यक्षमा बसन्त बाँठा निर्वाचित हुनुभएको छ । आज भएको निर्वाचनमा बाँठाको प्यानल विजयी भएको छ । कुल ३३ मत खसेकोमा १७ मत प्राप्त गरेर बाँठा अध्यक्षमा निर्वाचित हुनुभएको हो । प्रतिस्पर्धी सर्जना कार्कीलाई  दुई मतको अन्तरले पराजित गर्दै उहाँ निर्वाचित हुनुभएको हाे ।  कार्कीले १५ मत प्राप्त गर्नुभयाे । 

यस्तै खुला उपाध्यक्षमा बालाराम शेर्पाली निर्वाचित हुनुभएको छ । प्रतिस्पर्धी उर्मिला गौतमलाई पराजित गरेर शेर्पाली खुला उपाध्यक्षमा निर्वाचित हुनुभएको हो । शेर्पालीले १८ मत प्राप्त गर्दा गौतमले मत १४ ल्याउनु गर्नुभयाे ।  महिला उपाध्यक्षमा जमुना गौतम, सचिवमा निराजन शेर्पाली र कोषाध्यक्षमा साबित्रा खत्री यस अघि नै निर्विरोध निर्वाचित भइसक्नुभएको थियाे । 

यस्तै खुला सह सचिवमा बिरस थापा निर्वाचित हुनुभएको छ । प्रतिस्पर्धी चेतकुमार बिसीलाई पराजित गरेर थापा निर्वाचित हुनुभएको हो । थापाले १७ मत प्राप्त गर्दा विसीले १४ मत ल्याउनु भएको थियो । यस्तै समावेशी सह सचिवमा बरम बुढा निर्वाचित हुनुभएको छ । प्रतिस्पर्धी दिलचन पुन लाई पराजित गर्नुभयाे । बुढाले २० मत प्राप्त गर्दा पुनले ११ मत पाउनुभयाे ।   

लोकप्रसाद बुढाथोकी, बिकास बुढा मगर, श्रीधर खड्का, र सामना घर्ती खुला सदस्यमा निर्वाचित हुनुभएको  छ भने जनजाती सदस्यमा बिरप्रताब बुढा तथा दलित सदस्यमा शिखर विश्वकर्मा निर्वाचित भएको छ । 

महिला सदस्यमा हिरा बुढा मगर, केन्द्रीय परिषद सदस्य बसम मल्ल तथा लिङ्कन गौतम निर्वाचित भएको निर्वाचन समितिले जानकारी दिएको छ । कुल ३४ जना साधारण सदस्य रहेको जिल्लामा ३३ मत खसेको थियो भने मत बदर भएको थियो ।