रुकुम पश्चिमको मुसिकोट नगरपालिका वडा नम्बर १ मा रहेको त्रिभुवन जनता माध्यमिक विद्यालय परिसर भित्र सरसफाइ गरिएको छ  । शुक्रबार अखिल क्रान्तिकारी आयोजक सम्मेलन समिति  त्रिज माविले विद्यालय परिसर भित्र सरसफाइ गरेको हो । विद्यालय आसपासको क्षेत्र फोहोर हुन थालेपछि अखिल क्रान्तिकारीको  आयोजनामा विद्यालयमा अध्ययनरत विद्यार्थी,  शिक्षक लगायतको सहभागितामा सरसफाइ गरिएको अखिल क्रान्तिकारीका जिल्ला सचिव दुर्गाप्रसाद विकले जानकारी दिनुभयो ।

उहाँका अनुसार सरसफाइ कार्यक्रममा शिक्षक,  विद्यार्थी गरी ६ सय ५० भन्दा बढी सहभागीता रहेको थियो । विद्यालय वरपर रहेका ढुङ्गा, कागजका टुक्रा हटाउनुको साथै शौचालय र पानीका धारा समेत सरसफाई गरिएको सचिव विकले जानकारी दिनुभयो  ।

सरसफाई कार्यक्रममा अखिल क्रान्तिकारीका निवर्तमान केन्द्रिय सदस्य तथा मुसीकोट खलंगा बहुमुखी क्याम्पसका स्ववियु अध्यक्ष रमेश लामिछाने, जिल्ला सचिव विक, जिल्ला सदस्य दीपक डाँगी, नगर अध्यक्ष्य सुशान्त विश्वकर्मा लगायतको उपस्थिति रहेको थियो ।