प्रेस सेन्टर नेपाल रुकुम पश्चिमको जिल्ला अधिवेशन यही पुस ११ गते सदरमुकाम खलंगामा हुने भएको छ । सदरमुकाम खलंगास्थित जिल्ला समन्वय समितिको सभाहलमा हुने अधिवेशनमा प्रेस सेन्टर नेपालसंग आवद्ध जिल्लाभरका पत्रकारहरुको सहभागिता रहने छ । 

प्रेस सेन्टर नेपालको केन्द्रीय सर्कुलर अनुसार यही पुस १५ गतेभित्र जिल्ला समितिको अधिबेशन गर्नुपर्ने भएकोले रुकुम पश्चिमको जिल्ला अधिवेशन पुस ११ गते गर्न लागिएको हो । 

जिल्ला अधिवेशनमा संगठनका गतिविधि र योजना कार्यक्रमहरुको समीक्षा संगै आर्थिक तथा सांगठनिक प्रतिवेदनमा छलफल, पारित संगै नयाँ नेतृत्व समेत चयन हुने छ । पुस १५ भित्र जिल्ला अधिबेशनहरु सकिएपछि पुस मसान्तभित्र प्रदेश अधिवेशनहरु हुनेछन भने माघ १५ गते केन्द्रीय महाधिवेशन गर्ने मिति तय भइसकेको छ ।