रुकुम पश्चिमको बाँफिकोट गाउँपालिका वडा नम्बर २ मा रहेको प्रगतिशील युवा क्लवले भलिवल खेलाडीलाई बधाई ज्ञापन तथा सम्मान गरेको छ । सोमबार एक कार्यक्रमको आयोजना गरी खेलाडीलाई क्लवले सम्मान गरेको हो । परम्परागत रूपमा लाग्दै आएको कुनाखेत मेलामा आयोजित भलिवल प्रतियोगितामा स्थान प्राप्त गरेका १८ जना खेलाडीलाई  सम्मान  गरिएको क्लवका सचिव बाबुराजा नाथले जानकारी दिनुभयो ।

मंसिर २७ गते देखि पुष १ गते सम्म सञ्चालन भएको खुला वडा स्तरिय महिला पुरुष भलिबल प्रतियोगितामा तेस्रो स्थान प्राप्त गर्ने महिला तथा पुरुष खेलाडीलाई क्लवले सम्मान गरेकाे हो । खेलाडीलाई थप उर्जा  मिलोस भन्ने उदेश्यले सम्मान गरिएको क्लवका सचिव नाथले बताउनुभयो ।

त्यस्तै खेलाडीलाई पोसाक सहयाेग गर्ने दुई जनालाई  व्यक्तिलाई पनि क्लवले सम्मान गरेको छ। हाल अमेरिका बस्दै आउनुभएका केशव नाथ र कलबहादुर केसीले खेलाडीलाई पोसाक सहयोग गर्नुभएको थियो । पोसाक सहयोग गर्ने नाथ र केसीको परिवारलाई कदरपत्रले  सम्मान गरिएको क्लवले जनाएको छ ।