मलेसियामा गाडीको ठक्करबाट एक रुकुमेलीको मृत्यु भएको छ । मंगलबार राती काम गर्ने स्थानदेखि कोठामा फर्किर्दै गर्दा रुकुम पूर्व पुथाउत्तरगंगा गाउँपालिका वडा नम्बर ६ मयाङका अन्दाजी ३५ वर्षिय पुर्णबहादुर ठकुरीको मृत्यु भएको हो । रोजगारीको सिलसिलामा मलेसिया पुग्नुभएका पूर्णबहादुरले मलेसियाको एसएसई कम्पनीमा काम गर्दै आउनुभएको थियो ।

उहाँको शव पोष्टमार्टको लागि अस्पतालमा राखिएको पूर्णबहादुरको कोठा नजिकै बस्ने रुकुम पश्चिमका छविलाल केसीले जानकारी दिनुभयो । घटनाको बारेमा घरपरिवारलाई जानकारी बनाएको र शव नेपाल पठाउने विषयमा अन्य साथीहरुसँग पहल भइरहको उहाँले बताउनुभयो ।