रुकुम पश्चिमको त्रिवेणी गाउँपालिका वडा नम्बर ६ गनेशमोडस्थित राप्ती राजमार्ग सडक खण्डमा आज विहान खुद्रा सामान बोकेको मिनि ट्रक दुर्घटना हुँदा दुई जना घाइते भएका छन् । तुलसीपुरबाट सोलाबाङ आउँदै गरेको लु २ ख ४१६४ नम्बरको मिनि ट्रक दुर्घटना हुँदा दुई जना घाइते भएका हुन् । घाइते हुनेमा चालक सल्यानकाे त्रिवेणी गाउँपालिका ६ लुहामका २८ वर्षिय जनक केसी र सह- चालक रोल्पाको गंगादेव गाउँपालिका वडा नम्बर ३ का २६ वर्षिय डिल्ली ओली रहेको प्रहरीले जनाएको छ ।

दुवैको अवस्था सामान्य रहेको र त्रिवेणी गाउँपालिका अस्पतालमा उपाचार भइरहेको जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकले जानकारी दिनुभयो । ईस्टेरिङ फेलहँदा ट्रक सडकदेखी १ सय ५० मिटर तल खसेको छ ।