प्रेस सेन्टर नेपाल रुकुम पश्चिमको छैटौँ जिल्ला सम्मेलन आज हुँदै छ । जिल्ला सदरमुकाम खलङ्गा स्थित जिल्ला समन्वय समितिको हलमा सम्मेलन गर्ने तयारी छ । बिहान ११ बजे सम्मेलनको उद्घाटन हुने जनाइएको छ ।

सम्मेलनले जिल्ला समन्वय समितिको नयाँ नेतृत्व चयन गर्ने छ भने प्रदेश तथा केन्द्रीय सम्मेलनका लागि प्रतिनिधि पनि चयन गर्ने प्रेस सेन्टर नेपाल जिल्ला समन्वय समिति रुकुम पश्चिमका अध्यक्ष देवकुमार ओलीले जानकारी दिनुभयो ।

सम्मेलनको सम्पूर्ण तयारी पूरा भइसकेको ओलीले बताउनुभयो । सेन्टरले आफ्नो सङ्गठन पालिका स्तरसम्म विस्तार समेत गरेको छ । सम्मेलनमा जिल्लाका तीन नगर तथा तीन गाउँपालिकाका पदाधिकारी तथा सदस्य सहित प्रेस सेन्टरमा आस्थावान् पत्रकारहरूको सहभागिता रहने बताइएको छ ।