नेकपा (माओवादी केन्द्र) रुकुम पश्चिमको मुसिकोट  नगरपालिकाको तेस्रो सम्मेलन सम्पन्न भएको छ । शनिबारबाट सुरु भएको सम्मेलन नयाँ नेतृत्व चयन गर्दै आज सम्पन्न भएको हो । सम्मेलनले  पुनः दलबहादुर खड्काको नेतृत्वमा ६ जना पछि थप्ने गरी ५५ सदस्यीय  नयाँ नगर समिति निर्माण गरेको माओवादी केन्द्र मुसिकोटले जनाएको छ ।
 
जसको उपाध्यक्षमा दिपक केसी, धनबहादुर खड्का वसन्त, चम्फा परियार सचिवमा नारायण केसी सह-सचिवमा चन्द्रबहादुर केसी र कोषाध्यक्ष कमला बुढा चयन हुनुभएको छ । सबै पदाधिकारी सर्वसम्मत चयन गरिएको हो । छ वटै पालिकामा  एकै साथ उद्घाटन भएको माओवादी केन्द्रको  अधिवेशन सानीभेरी गाउँपालिका नयाँ नेतृत्व चयन गर्दै सम्पन्न भएको छ । भने त्रिवेणी र बाँफीकोट गाउँपालिका तथा चौरजहारी र आठविसकोट नगरपालिकामा  अधिवेशन जारी छ ।