नेकपा (माओवादी केन्द्र) रुकुम पश्चिमको त्रिवेणी गाउँपालिकाको  तेस्रो सम्मेलन सम्पन्न भएको छ । शनिबारबाट सुरु भएको सम्मेलन नयाँ नेतृत्व चयन गर्दै आज सम्पन्न भएको हो । सम्मेलनले  मोहनकिशोर ओली(सन्जय ) को  नेतृत्वमा ४ जना पछि थप्ने गरी ४१ सदस्यीय  नयाँ गाउँ  समिति निर्माण गरिएको माओवादी केन्द्र त्रिवेणीले जनाएको छ ।
 
जसको उपाध्यक्ष चन्द्रबहादुर खड्का, राजेन्द्र पुन, रणबहादुर पुन सचिवमा बिरबहादुर डाँगी सह-सचिवमा लक्ष्मण कामी  र कोषाध्यक्ष निर्मला बुढाथोकी  चयन हुनुभएको छ । सबै पदाधिकारी सर्वसम्मत चयन गरिएको हो । छ वटै पालिकामा  एकै साथ उद्घाटन भएको माओवादी केन्द्रको  अधिवेशन ३ वटा पालिकाका सम्पन्न भएको छ । भने  बाँफीकोट गाउँपालिका, चौरजहारी र आठविसकोट नगरपालिका अधिवेशन जारी छ । मुसिकोट नगरपालिका र सानीभेरी गाउँपालिकाको अधिवेशन यस अघि नै नयाँ नेतृत्व चयन गर्दै सम्पन्न भएको छ ।