रुकुम पूर्वको सिस्ने गाउँपालिकाको छैठौं राष्ट्रपति रनिङ शिल्ड माघ २४ गते देखि संचालन हुने भएको छ । ५ नम्बर वडास्थित रुक्मिणी माविको खेल मैदानमा २४ गतेदेखि २६ गतेसम्म शिल्ड संचालन हुने भएको हो । शिल्डमा  सिस्ने गाउँपालिका भित्र रहेका ९ वटा सामुदायिक विद्यालय र एक वटा संस्थागत गरी दश वटा माध्यमिक विद्यालयहरुले सहभागिता जनाउने शिक्षा, युवा तथा खेलकुद शाखा प्रमुख मंगलसिंह बुढाले जानकारी दिनुभयो ।

शिल्डमा छात्र, छात्रा भलिबल, हाईजम्प, लङजम्प, त्रिपलजम्प, ज्याभलिङ थ्रो, सटफुट प्रतियोगिता संचालन हुनेछन् । दौड तर्फ  छात्र, छात्रा १ सय मिटर, २ सय मिटर, ४ सय मिटर, ८ सय मिटर, १५ सय मिटर र ३ हजार मिटर दौड  प्रतियोगिता संचालन  हुनेछन् । त्यस्तै छात्र, छात्रा रिले दौड,  मार्सलआर्ट तर्फ कराते र तेक्वान्दो प्रतियोगिता संचालन हुने शिक्षा युवा तथा खेलकुद शाखा प्रमुख बुढाले जानकारी दिनुभयो ।