रुकुम पश्चिमको बाँफिकोट गाउँपालिका वडा नम्बर २ लामाचौरमा मेला लाग्ने भएको छ । हरेक वर्ष लाग्दै माघी मेला यस वर्ष पनि लाग्ने भएको हो। वडाको माथिल्लो लामाचौरमा  माघ १  देखि ४ गते सम्म मेला लाग्ने भएको छ ।  

मेलाको अवसरमा शुद्ध वडा स्तरीय महिला पुरुष भलिबल प्रतियोगिता आयोजना छ । वडामा  रहेको प्रगतिशील युवा क्लबले खेलकुद प्रतियोगिताको आयोजना गरेको हो।

पुरुष भलिबल प्रतियोगितामा प्रथम टिमले नगद ४३ हजार रुपैयाँ साथमा कप मेडल प्रमाण पत्र प्राप्त गर्ने भएको छ। दोस्रो भएको टिमले नगद ३० र तेस्रो भएको नगद २० हजार रुपैयाँ साथमा कप मेडल प्रमाण पत्र पाउने क्लबका सचिव बाबुराजा नाथले जानकारी दिनुभयो । 

उहाँका अनुसार महिला भलिबल प्रतियोगितामा प्रथम, दोस्रो, तेस्रो हुने टिमलाई नगद ११ हजार आठ हजार र पाँच हजार रुपैयाँ साथमा मेडल प्रमाण पत्र वितरण भएको छ।

यस्तै मेलामा घैँटो फोर र ५० वर्ष भन्दा माथिका पुरुषको सटफुट प्रतियोगिता हुने भएको छ। घैँटो फोर को एक हजार रुपैयाँ रहेको छ भने सटफुत प्रतियोगिताको प्रथम, दोस्रो, तेस्रो लाई नगद एक हजार,  सात सय र पाँच सय रुपैयाँको साथमा मेडल प्रमाण पत्र वितरण गरिने क्लबले जानकारी दिएको छ।

यस्तै मेलामा झाँकी सहित सहभागी हुने सांस्कृतिक समूहलाई पनि पुरस्कारको व्यवस्था गरिएको छ।