रुकुम पश्चिमको आठबिसकोट नगरपालिका वडा  ९ राडी बजारस्थित ईन्द्र बहादुर शाहीको टहरामा आगलाली भएको छ । सोमबार दिउँसो १ बजेतिर विद्युत लाइन सट भएर शाहीको टहरामा आगलाली भएको हो । आगलागीबाट लत्ताकपडा, भाडाकुडा सहित अन्नपात जलेर नष्ट भएको स्थानीय विष्णुबहादुर बोहराले जानकारी दिनुभयो ।

टहरामा लागेको आगो नियन्तन्त्रमा आएको र क्षतिको विवरण संकलनको काम भइरहेको वडा अध्यक्ष  जनकबहादुर बटालाले जानकारी दिनुभयो । भूकम्प पश्चात शाहीको पाँच जनाको परिवार अस्थायी आवास (टहरा)मा बस्दै आएको थियो ।