पाकिस्तान सुपर लिग (पिएसएल) २०२५ को ड्राफ्टमा नेपालका ६ खेलाडी परेका छन् ।

पाकिस्तान सुपर लिगले बुधवार जारी गरेको सिल्भर समूहको सुचीमा नेपालका ६ खेलाडी समावेश गरिएका हुन् ।

ड्राफ्टमा परेका नेपाली खेलाडीमा आसिफ शेख, अर्जुन साउद, देव खनाल, दीपेन्द्रसिंह ऐरी, गुलशनकुमार झा र सोमपाल कामी छन् ।

पिएसएलको खेलाडी ड्राफ्टबाट छनोट गरिने छ । पिएसएलका अनुसार खेलाडी ड्राफ्ट १३ जनावरीमा पाकिस्तानको लाहोरमा हुनेछ ।

दशौं संस्करणको पिएसएल १० अप्रिलमा सुरु हुनेछ । लिगमा अघिल्ला संस्करणमा जस्तै यस पटक पनि ६ टोलीबीच प्रतिस्पर्धा हुनेछ ।