रूकुम पश्चिमकाे त्रिवेणी गाउँपालिकामा जिप दुर्घटना हुँदा ३ जना घाइते भएका छन् । घाइते हुनेमा रूकुम पश्चिमकाे मुसिकाेट नगरपालिका वडा नम्बर ९ का ३० वर्षीय जयप्रकाश खड्का, राेल्पाकाे परिवर्तन गाउँपालिका वडा नम्बर ४ की गीता ओली र रूकुम पश्चिम त्रिवेणी गाउँपालिका वडा नम्बर २ की ३८ वर्षीय प्रभा पुन रहेकाे प्रहरीले जनाएकाे छ ।

जिल्ला प्रहरी कार्यालयका सूचना अधिकारी प्रहरी निरीक्षक ऋषि पाठकका अनुसार घाइते मध्ये खड्काकाे टाउकाे र खुट्टामा, ओलीकाे हात र शरीरका विभिन्न भाग तथा पुनलाई बायाँ खुट्टा र शरीरका विभिन्न भागमा चाेट लागेकाे छ भने अवस्था सामान्य रहेकाे छ । घाइतेलाई उपचारका लागि जिल्ला अस्पताल सल्ले ल्याइएकाे उहाँले बताउनुभयाे ।

यो पनि पढ्नुहोस

त्रिवेणी २ फुतफुते नजिकै जिप दुर्घटना

 

जिल्ला सदरमुकाम मुसिकाेट खलंगाबाट त्रिवेणी गाउँपालिका २ काे बादरपानी जाँदै गरेकाे लु १ ज १७०९ नम्बरकाे जिप शुक्रबार बेलुकी ७ बजेतिर फुतफुते भन्ने स्थानमा दुर्घटना भएकाे थियाे । जिप सडकबाट करिब ६०, ७० मिटर तल खसेकाे प्रहरीले जनाएकाे छ । घटनाकाे जानकारी पाएपछि प्रहरी चाैकी सिम्रुतुबाट प्रहरी वरिष्ठ नायव निरीक्षक गणेश गिरीकाे नेतृत्वमा प्रहरी टाेली खटिएकाे थियाे ।