Kakhara सबैको खबर सम्पूर्ण खबर
आफ्नाे एफ.एम.काे वार्षिकाेत्सवमा बिरामीलाई फलफुल वितरण

रूकुम पश्चिमकाे चाैरजहारीबाट सञ्चालनमा रहेकाे आफ्नाे एफ.एम. काे वार्षिकोत्सबकाे अवसरमा बिरामीलाई फलफुल वितरण गरिएकाे छ । आज बिहान जिल्ला अस्पताल सल्लेमा उपचाररत् बिरामीलाई फलफुल वितरण गरिएकाे छ ।

अस्पतालमा रहेका २५ जना बिरामी र कुरुवालाई फलफूल वितरण गरिएको रेडियोका प्रवन्ध निर्देशक गाेपाल रेग्मीले जानकारी दिनुभयो । बिरामीहरुको स्वास्थ्य लाभको कामना गर्दै फलफुल वितरण गरिएको उहाँले बताउनुभयाे ।

रेडियो आफ्नो एफ.एम. आज नवौं वर्षमा प्रवेश गरेको छ । चौरजहारी सामुदायिक विकास केन्द्र र मानव विकास तथा सामुदायिक सेवा केन्द्रद्वारा सञ्चालित आफ्नो एफ.एम. आजबाट आठ वर्ष पुरा गरेर नवौं वर्ष प्रवेश गरेको हो ।

बार्षिकोत्सवको अवसरमा रेडियोका प्रवन्ध निर्देशक गोपाल प्रसाद रेग्मीले एक विज्ञप्ती जारी गर्दै रेडियोलाई विभिन्न तवरले सहयोग गर्ने श्रोता, विज्ञापनदाता, सहयोगी निकाय, शभेच्छुक तथा शुभ चिन्तकहरुलाई धन्यवाद दिनुभएकाे छ ।

प्रकाशित मिति: शनिबार, पुस २७, २०८१  ११:१३
प्रतिक्रिया दिनुहोस्
Weather Update