रुकुम पूर्वको भूमे गाउँपालिकामा मावि स्तरीय छैटौँ  राष्ट्रपति रनिङ शिल्ड प्रतियोगिता आगामी माघ १५ गते देखि हुने भएको छ । १ नम्बर वडा स्थित सिद्धचौर माध्यमिक विद्यालयको   खेल मैदान लुकुममा प्रतियोगिता सञ्चालन गर्न लागिएको हो । 

शुक्रवार बसेको खेल व्यवस्थापन तथा निर्देशन समितिको बैठकले माघ  १८ गते सम्म सञ्चालन सम्म गर्ने निर्णय गरेको छ ।  पालिका भित्रका नौ वटा मावि विद्यालयले सहभागी हुने भएका छन् ।

शिल्डमा छात्र, छात्रा भलिबल, हाईजम्प, लङजम्प, त्रिपलजम्प, ज्याभलिङ थ्रो, सटफुट प्रतियोगिता सञ्चालन हुने शिक्षा  युवा तथा खेलकुद शाखा प्रमुख  कौशल कुमार तिवारीले जानकारी दिनुभयो ।

उहाँका अनुसार शिल्डमा दौड तर्फ  छात्र, छात्रा १ सय मिटर, २ सय मिटर, ४ सय मिटर, ८ सय मिटर, १५ सय मिटर र ३ हजार मिटर दौड  प्रतियोगिता सञ्चालन हुनेछन् । त्यस्तै छात्र, छात्रा रिले दौड, प्रतियोगिता पनि हुने शाखा प्रमुख तिवारीले जानकारी दिनुभयो ।

साथै खेल व्यवस्थापन तथा निर्देशन समितिले माघ १० गते आयोजक विद्यालयमा सचिवालय गठन गर्ने र शिल्डको सम्पूर्ण कामकाजहरु सचिवालयबाट गरी शिल्डलाई थप मर्यादित र व्यवस्थित बनाउने निर्णय गरेको छ ।

शिल्ड व्यवस्थापन तथा निर्देशन समितिका संयोजक तथा भूमे गाउँपालिका अध्यक्ष होम प्रकाश श्रेष्ठको अध्यक्षतामा भएको बैठक बसेको थियो ।