माघ १ गते मङ्गलवार देखि सुदूरपश्चिम प्रदेशको धनगढीस्थित फाप्ला क्रिकेट मैदानमा हुन लागेको प्रधानमन्त्री कप महिला टी–२० क्रिकेट प्रतियोगिताका लागि कर्णाली प्रदेशको टोली घोषणा गरिएको छ । कर्णाली प्रादेशिक क्रिकेट सङ्घले सोमबार बिना थापाको कप्तानीमा १५ सदस्यीय टोलीको घोषणा गरेको हो । टिमका अन्य सदस्यहरूमा रमा बुढाथोकी, अन्जु गुरुङ, विमला बुढा, सुराती बुढा, गौरी बोहरा र दीक्षा पुरी रहेका छन् ।

त्यस्तै राक्षी, सिमाना मल्ल, सोविका शाही, सविना चौधरी, सरिता विष्ट र अंशिका केसी पनि टिममा परेका छन् । केही दिन अघि सुर्खेतमा प्रदेश छनोट कार्यक्रम सञ्चालन गरिएको थियो । उक्त कार्यक्रममा गरेको प्रदर्शनका आधारमा खेलाडी छनोट गरिएको कर्णाली प्रादेशिक क्रिकेट सङ्घले जनाएको छ ।