निजी तथा आवासीय विद्यालय अर्गनाइजेसन रुकुम पश्चिमको सातौँ जिल्ला अधिवेशन सम्पन्न भएको हो । मुसिकोट खलङ्गामा नयाँ नेतृत्व चयन गर्दै अधिवेशन सम्पन्न भएको । अधिवेशनबाट अध्यक्षमा विमलकुमार शर्मा दोहोरिनु भएको छ ।
अध्यक्ष सहित अधिकांश पदमा पुरानै दोहोरिएका छन् भने केही नयाँलाई समेटेर नयाँ टिम बनाइएको प्याव्सन रुकुम पश्चिमले जनाएको छ । अध्यक्षमा शर्मा पुनः निर्वाचित हुँदा उपाध्यक्षमा हरिभक्त भण्डारी, सचिवमा डिलबहादुर नाथ र कोषाध्यक्षमा खड्क पुन निर्वाचित हुनुभएको छ ।
यो पनि पढ्नुहोस
कोषाध्यक्ष नयाँ आउँदा अन्यमा दोहोरिएका हुन् । सदस्यमा युडेन भण्डारी, हिम बहादुर केसी, ठपेन्द्र शाही, अमृता कुसारी र गोविन्दराज बिसी निर्वाचित हुनुभएको छ । सर्वसम्मत नेतृत्व चयन भएको अध्यक्ष विमलकुमार शर्माले जानकारी दिनुभयो ।
अधिवेशन सोमबार नै सुरु भएको थियो । अधिवेशनको मुसिकोट नगरपालिकाका प्रमुख महेन्द्र केसीले उद्घाटन गर्नुभएको थियो ।
-1735639220.jpg)
