पछिल्लो समय आफूलाई सामाजिक अभियन्ताका रुपमा चिनाएर भाइरल हुनुभएकी आशिका तामाङलाई प्रहरीले पक्राउ गरेको छ । आज दिउँसो आशिकालाई प्रहरीले पक्राउ गरेको हो । जिल्ला प्रहरी परिसर काठमाडौंका प्रवक्ता एवम् एसपी नवराज अधिकारीले अभद्र व्यवहार मुद्दामा आशिकालाई पक्राउ गरेको पुष्टि गर्नुभयो ।

केही दिनअघि पशुपतिनाथ मन्दिर परिसरमा तैनाथ प्रहरी अधिकारीहरूमाथि दुव्र्यवहार गरेको आरोपमा प्रहरीले उहाँलाई पक्राउ गरेको हो । अहिले उहाँलाई महानगरीय प्रहरी बृत्त गौशालामा लगिएको छ । जिल्ला प्रशासन कार्यालय काठमाडौंबाट अभद्र व्यवहार मुद्दाको शिलशिलामा जारी गरिएको पक्राउ पुर्जीका आधारमा प्रहरीले आशिकालाई पक्राउ गरेर हिरासतमा लिएको हो ।