रुकुम पश्चिमको आठविसकोट नगरपालिकामा एक जना पुरुषको रुखले च्यापेर मृत्यु भएको छ । भने एक जना घाइते हुनुभएको छ । मृत्यु हुनेमा वडा नम्बर १० झिन्चौरका ५१ बर्षिय बीरबहादुर शाही रहेका छन् । भने सोही वडाकै ३५ वर्षिय प्रेमराज  कुसारी घाइते भएको वडा अध्यक्ष गनेशकुमार शाहले जानकारी दिनुभयो । 

उहाँका अनुसार घाइते कुसारीको आठविसकोट नगर अस्पतालमा उपचार भइरहेको छ । भने शाहीको घटनास्थलमै मृत्यु भएको हो । घर निर्माणमा प्रयोग हुने रुख काट्न गएको बेला रुखले च्यापेर शाहीको मृत्यु भएको हो । कुसारी र शाही विद्युतीय (रुख काट्ने) आरामेसिन प्रयोग गरेर घरमा प्रयोग हुने दार काट्न जंगल जानुभएको थियो । घटना भएको खवर पश्चात् घटनास्थल पुगेको वडा अध्यक्ष शाहले जानकारी दिनुभयो । अहिले प्रहरीले उक्त स्थानमा पुगेर मूचुल्का बनाइरहेको छ ।