भूकम्प गयो, बाढी पहिरो गयो, उद्धार भएन ।
किन हाम्रो दुःख बुझ्ने सरकार भएन ।

गाउँ गाउँमा सिंहदरबार तिम्रा मात्र चुलिए ।
हाम्रो त विपत्तिले घरबार भएन ।

डाक्टर र औषधि बिनाको अस्पताल छ कर्णालीमा ।
सिटामोल नपाई मर्छन् बिरामी उपचार भएन ।

उसले टेबुल बजारेरै लाखौं कमाउँछ रे ।
मैले पाखुरा बजार्दा पनि हजार भएन ।

अन्तिममा मन भारी बनाउँदै देश छोड्नुपर्यो ।
आधा उमेर देशमै बिताए रोजगार भएन ।

सानीभेरी गाउँपालिका ११, रुकुम पश्चिम