रुकुम पश्चिमको बाँफिकोट गाउँपालिका वडा नम्बर ६  मग्मामा आयोजित पुरुष भलिबल प्रतियोगिता सम्पन्न भएको छ । परम्परा देखि लाग्दै आएको आला मेलाको अवसरमा आयोजित प्रतियोगिता आज सम्पन्न भएको हो । १२ समुहले प्रतिस्पर्धा गरेको भलिबल प्रतियोगितामा बाँफिकोट ४ विजेता बनेको हाे ।

आज भएको फाइनल खेलमा बाफिकोट गाउँपालिका २ लामाचौरलाई २/० को सोझो सेटमा पराजित गर्दै बाफिकोट ४  विजय भएको हो । प्रथम भएको  बाँफिकोट ४ ले नगद ७० हजार रुपैयाँका साथमा मेडल प्रमाणपत्र प्राप्त गरेको मेला व्यवस्थापन समितिका अध्यक्ष डेनी बिश्वकर्माले जानकारी दिनुभयो । उहाँका अनुसार उप विजेता भएको बाँफिकोट २ लामाचौरले नगद ५०  हजार रुपैयाँका साथमा मेडल प्रमाणपत्र तथा सेमीफाइनलमा पुगेका दुई समहु आयोजक सी र ६ नम्बर वडाको समुह जयले  समान २०/२० हजार रुपैयाँका साथमा मेडल प्रमाणपत्र प्राप्त गरेका छन् ।  

आज एक कार्यक्रमका बिच मेला तथा खेलकुद प्रतियोगितको समापन भएको आयाेजकले जनाएकाे छ ।