रुकुम पश्चिमको विजयश्वरी इंग्लिस मिडियम बोर्डिङ स्कुलले पुरस्कार वितरण गरेको छ । मुसिकोट नगरपालिका वडा नम्बर १ मा रहेको स्कुलले आफ्नो २९ औँ वार्षिकोत्सवको अवसरमा आयोजित विभिन्न खेलकुद तथा सांस्कृतिक कार्यक्रम सहित अन्य कार्यक्रममा स्थान हासिल गर्ने विद्यार्थीहरूलाई पुरस्कार वितरण गरेको हो । आज स्कुलमा एक कार्यक्रमको आयोजना गरी विद्यार्थीहरूलाई पुरस्कार वितरण गरिएको स्कुलले जनाएको छ ।

साथै स्कुललाई सहयोग गर्ने विभिन्न व्यक्तिहरूलाई सम्मानका साथै एसइईमा उत्कृष्ट विद्यार्थीलाई समेत पुरस्कार सहित सम्मान गरिएको थियो । विद्यार्थीहरूलाई मेडल र प्रमाणपत्रले पुरस्कृत गरिएको हो । कार्यक्रममा शिक्षक, विद्यार्थी तथा अभिभावकहरूको सहभागिता रहेको थियो । त्यस्तै बाँकी रहेका वार्षिकोत्सवको मायाको चिनो समेत वितरण गरिएको थियो । यो जिल्लाको जेठो संस्थागत स्कुल हो । स्कुलले साताव्यापी कार्यक्रम गरेर पुस २९ गते २८ औँ वार्षिकोत्सव मनाएको थियो ।