रुकुम पश्चिमको बाँफिकोट गाउँपालिका वडा नं. ७ मा ट्याक्टर दुर्घटना हुँदा एक व्यक्तिको मृत्यु भएको छ । वडा नं. ६ बाट ढुंगा बोकेर वडा नं. ७ तर्फ गइरहेको रा १ (त) ३८९५ नम्बरको ट्याक्टर वडा नं. ७ को दुलिङ्गा खोलामा पल्टिदा बाँफिकोट गाउँपालिका ६ का १६ वर्षिय आशिष केसीको मृत्यु भएको हो ।
ट्याक्टर अनियन्त्रित भएर पल्टिदा केसीको घटनास्थलमै मृत्यु भएको हो । त्यस्तै दुर्घटनामा परी २ जना घाईते भएको जिल्ला प्रहरी कार्यालयका सूचना अधिकारी प्रहरी निरीक्षक कपिल शाहीले जानकारी दिनुभयो । घाइते हुनेमा मुसीकोट नगरपालिका ७ का अन्दाजि २५ वर्षिय मनबहादुर बिक र बाँफिकोट गाउँपालिका ७ का १७ वर्षिय विजय अधिकारी रहेको शाहीले बताउनुभयो ।
उहाँका अनुसार घाईते मध्य बिकको अवस्था गम्भिर रहेको छ । विकको खुट्टा र शरिरको तल्लो भागमा गहिरो चोट लागेको छ भने अधिकारीको टाउको, खुट्टा, मुख र छातिमा चोट लागेको प्रहरीले जनाएको छ । अधिकारीको अवस्था भने सामान्य रहेको प्रहरीको भनाई छ ।
