रुकुम पश्चिमको  आठबिसकोट नगरपालिकामा पाचौँ राष्ट्रपति रनिङ सिल्ड हुने भएको छ । यही माघ १५ गतेदेखि १८ गते सम्म वडा नम्बर ११ को नेपाल राष्ट्रिय माध्यामिक विधालय गत्तासैनामा शिल्ड सञ्चालन हुने भएको हो । शिल्डमा पालिका भरका १८ वटा माध्यमिक विद्यालयका ८९४ जना विद्यार्थीले प्रतिस्पर्धा गर्ने आठविसकोट शिक्षा, युवा तथा  खेलकुद  शाखाले जनाएको छ । शाखाकाले शनिबार नगरपालिकामा पत्रकार सम्मेलन गरी यस विषयमा जानकारी बनाएको हो ।

शिल्डमा ५४ वटा विधाको लागि २७ जना छात्रा र २७ जना छात्रले प्रतियोगितामा प्रतिस्पर्धा गर्ने युवा  तथा खेलकुद विकास समितिका अध्यक्ष सन्देश विकले बताउनुभयो । शिल्डमा  छात्र, छात्रा भलिबल, कवड्डी, एथ्लेटिक्स तर्फ एक सय मिटर, दुइ सय, ४ सय, ८ सय, १५  सय र तीन  हजार मिटर छात्र, छात्रा दौड प्रतियोगिता संचालन हुनेछन । त्यस्तै ४ ×१०० र ४×४०० मिटर छात्र, छात्रा रिले दौड प्रतियोगिता संचालन हुनेछन  ।

फिल्डका खेलकुद तर्फ छात्र, छात्रा हाइजम्प, लङ्जम्प, त्रिपलजम्प र ज्याभ्लिङ थ्रो, सटपुट, मार्शल आर्ट लगायतका  प्रतियोगिता संचालन हुने   पत्रकार सम्मेलन मार्फत जानकारी गराईएको थियो ।