रुकुम पश्चिमको सानीभेरी गाउँपालिका वडा नम्बर ३ मा आयोजित पाँचौँ वडाध्यक्ष कप सम्पन्न भएको छ । वडाध्यक्ष कप अन्तर्गत सञ्चालन गरिएको पुरुष भलिबल प्रतियोगिता शनिवार सम्पन्न भएको हो । ३ नम्बर वडा कार्यालयको आयोजनामा खुला शुद्ध वडा स्तरीय भलिबल प्रतियोगिताको आयोजना गरिएको थियो । 

चार दिन सम्म सञ्चालन भएको प्रतियोगितामा विभिन्न ठाउँका १२ टिमले प्रतिस्पर्धा गरेको गरेका थिए ।प्रतियोगितामा रूकुम भलिबल टिम प्रथम भएको छ ।शनिवार भएको फाइनलमा बाँफिकोट ३ लाई ३/१ को सेटमा पराजित गर्दै रूकुम भलिबल टिम प्रथम भएको हो ।

उसले नगद ५० हजार रुपैयाँको साथमा मेडल प्रमाण पत्र प्राप्त गरेको खेलकुद संयोजक छविलाल विष्टले जानकारी दिनुभयो । 

उहाँका अनुसार दोस्रो भएको बाँफिकोट ३ ले नगद ३०  हजार रुपैयाँ साथमा मेडल प्रमाण पत्र तथा तेस्रो भएको आयोजकले नगद २० हजार रुपैयाँ साथमा मेडल प्रमाण पत्र पाएका छन् । शनिवार एक कार्यक्रमका बिच  खेलकुद प्रतियोगिताको समापन भएको छ ।