रुकुम पश्चिमको मुसिकोट नगरपालिका वडा नम्बर ७ साँखमा आयोजित महिला भलिबल रुकुम भलिबल टिमले जितेको छ । 

आज बिहान भएको फाइनलमा रुकुम पूर्वको सिस्ने गाउँपालिका वडा नम्बर ७ लाई २-० को सोझो सेटमा पराजित गर्दै रुकुम भलिबल टिम प्रथम भएको हो । खेलाडी बाँफिकोट २ का भए पनि खेलमा सहभागी रुकुम भलिबल टिमका नामबाट भएका थिए ।

प्रथमले नगद १५ हजार रुपैयाँको साथमा कप, मेडल र प्रमाणपत्र प्राप्त गरेको छ । यस्तै दोस्रो भएको सिस्ने ७ ले नगद १० हजार तथा तेस्रो भएको सानीभेरी गाउँपालिका वडा नम्बर ३ नगद नगद पाँच हजार रुपैयाँको साथमा कप मेडल र प्रमाण पत्र प्राप्त गरेको आयोजक हाम्रो सरोकारका महासचिव प्रकाश विकले जानकारी गराउनुभयो ।