रुकुम पश्चिमको त्रिवेणी गाउँपालिकामा पालिका स्तरीय सिकाइ आदानप्रदान कार्यक्रम सम्पन्न भएको छ । आइतबार  गाउँपालिकाको कार्यालय खारनेटामा पालिका स्तरीय सिकाइ आदानप्रदान कार्यक्रम सम्पन्न भएको हो ।

एफसिडिओ को आर्थिक सहयोग अन्तर्राष्ट्रिय आप्रवासन सङ्गठन (आइओएम) को व्यवस्थापन तथा  सिआईएनद्वारा कार्यान्वयन भएको  संयुक्त पुनर्लाभ परियोजना अन्तर्गत पालिकामा भएका कार्यक्रमहरूको समीक्षा तथा सिकाइ आदानप्रदान गरिएको त्रिवेणी गाउँपालिका विपद् फोकल पर्सन खिमबहादुर ओलीले जानकारी  थियो । 

उहाँ अनुसार आइओएमका  सामाजिक विकास अधिकृत सुजित गौतमले अहिलेसम्म पालिकामा भएको कामको प्रगति प्रतिवेदन प्रस्तुत गर्नुभएको थियो । जसअनुसार पालिकालाई कम्प्रेसन टेस्टिङ मेसिन हस्तान्तरण, गाउँपालिकाको वडा नम्बर ८ नमुना घर हस्तान्तरण , ५० जना लाभग्राहीलाई सुरक्षित आवास सम्बन्धी पास्सा तालिम प्रदान गरिएको प्रतिवेदनमा उल्लेख गरिएको थियो ।

त्यस्तै गाउँपालिका स्तरीय विपद् जोखिम न्यूनीकरण तथा व्यवस्थापन सम्बन्धी २ दिने कार्यशाला गोष्ठी, डकर्मी तालिम सञ्चालन,भवन मापदण्ड सम्बन्धी प्राविधिकहरूलाई तालिम, जनप्रतिनिधि तथा कर्मचारीलाई विपद् व्यवस्थापन सम्बन्धी  विभिन्न तालिम तथा गोष्ठी, ढुङ्गा काट्ने मेसिन उपलब्ध गराई उद्योग सञ्चालन, सिबिएस इन्टरलक इट्टा उद्योग कार्यक्रम सञ्चालन गरिएको आइओएमका  सामाजिक विकास अधिकृत  गौतमले प्रस्तुत गरेको प्रतिवेदनमा उल्लेख गरिएको छ ।

सिकाइ आदानप्रदान कार्यक्रम तथा बिदाइ(फेरी भेटौला) कार्यक्रममा आईओएमको टोलीलाई त्रिवेणी गाउँपालिका अध्यक्ष गणेश कुमार केसीले प्रशंसा पत्रले सम्मान गर्नुभएको थियो ।

त्रिवेणी गाउँपालिकाका अध्यक्ष  केसीको अध्यक्षता भएको कार्यक्रममा  त्रिवेणी गाउँपालिकाका प्रमुख प्रशासकीय अधिकृत यज्ञबहादुर भण्डारी, त्रिवेणी गाउँपालिका ८ का वडाध्यक्ष नन्दराम खडका,आइओएमका इन्जिनियर विकास न्यौपाने, इन्जिनियर चन्द्र अधिकारीको लगायतको आतिथ्यता रहेको थियो ।