प्रेस चौतारी नेपाल रुकुम पश्चिमको सातौँ अधिवेशन सम्पन्न भएको छ । मुसिकोटमा नयाँ नेतृत्व चयन गर्दै अधिवेशन सम्पन्न भएको हो । अधिवेशनबाट परिचन्द्र खत्रीको अध्यक्षतामा सर्वसम्मत १३ सदस्यीय जिल्ला कमिटी निर्माण गरिएको छ । जसको उपाध्यक्षमा ललित परियार, महिला उपाध्यक्षमा सोमिया मल्ल, सचिवमा हरिबहादुर केसी, सहसचिवमा रिता ओली र टेकराज पौडेल तथा कोषाध्यक्षमा यतकुमार बोहरा रहनुभएको छ ।

सदस्यहरूमा टेकराज पुन, दीपक पाण्डे, विनोद खड्का, यमुना ओली, लक्ष्मण विक र मनीषा रिजाल रहनुभएको छ । प्रेस चौतारी नेपाल रुकुम पश्चिमका कार्यवाहक अध्यक्ष ध्रुवराज केसीको अध्यक्षतामा भएको अधिवेशनमा प्रेस चौतारी नेपालका केन्द्रीय सदस्य मनीषा केसीको प्रमुख आतिथ्यता रहेको थियो ।

त्यस्तै अधिवेशनमा नेकपा एमाले रुकुम पश्चिमका अध्यक्ष नन्दराम देवकोटाको विशेष र जिल्ला प्रचार विभाग प्रमुख जीवन खड्का लगायतको आतिथ्यता रहेको थियो ।