रुकुम पूर्वको भूमे गाउँपालिकामा मावि स्तरीय छैटौँ  राष्ट्रपति रनिङ शिल्ड सुरु भएको छ। १ नम्बर वडा स्थित सिद्धचौर माध्यमिक विद्यालयको खेल मैदान लुकुममा मंगलबार देखि शिल्ड सुरु भएको हो । मंगलबारबाट सुरु भएको शिल्ड शुक्रबारसम्म चल्ने छ । शिल्डमा पालिका भित्रका नौ वटा मावि विद्यालयले  सहभागी जनाएको शिक्षा, युवा तथा खेलकुद शाखा प्रमुख  कौशलकुमार तिवारीले जानकारी दिनुभयो ।

उहाँका अनुसार शिल्डमा छात्र, छात्रा भलिबल, हाईजम्प, लङजम्प, त्रिपलजम्प, ज्याभलिङ थ्रो, सटफुट प्रतियोगिता सञ्चालन हुनेछन् । त्यस्तै दौड तर्फ  छात्र, छात्रा १ सय मिटर, २ सय मिटर, ४ सय मिटर, ८ सय मिटर, १५ सय मिटर र ३ हजार मिटर दौड  प्रतियोगिता सञ्चालन हुने छन् । त्यसैगरी छात्र, छात्रा रिले दौड, प्रतियोगिता पनि संचालन हुने  शाखा प्रमुख तिवारीले जानकारी दिनुभयो ।