सहिद दिवसको अवसरमा रुकुम पश्चिमको चौरजहारी नगरपालिकामा विभिन्न कार्यक्रम भएका छन् । स्वतन्त्र विद्यार्थी युनियन स्ववियूले सहिद दिवसको अवसरमा हाजिर जवाफ र ब्याडमिन्टन प्रतियोगिता सम्पन्न गरेको छ ।

ब्याडमिन्टन तर्फ शीतल क्याम्पसको सञ्जय बस्नेत र सौगात रोकाको जोडी प्रथम, शीतल क्याम्पसकै खीमप्रसाद लामिछाने र युुुुुुुुुुुुुुुुवराज लामिछाने तथा सानीभेरी शिक्षा क्याम्पसको रामबहादुर विष्ट र रामकृष्ण नकालको जोडी तृतीय भएको स्ववियु सभापति नीराजन केसीले जानकारी दिनुभयो । 

खुला विद्यालय स्तरीय हाजिर जवाफ प्रतियोगिताको प्रथमले १० हजार, द्वितीयले ७ हजार र तृतीय हुनेले ४ हजार नगद तथा प्रमाणपत्र प्राप्त गर्ने स्ववियु सभापति नीराजन केसीले जानकारी दिनुभयो । त्यस्तै खुला क्याम्पस स्तरीय ब्याडमिन्टनमा प्रथम हुनेले १० हजार, द्वितीयले ७ हजार र तृतीयले ४ हजार नगद, मेडल र प्रमाण पत्र प्राप्त गर्ने उहाँले बताउनुभयो ।

हाजिर जवाफ तर्फ यज्ञेश्वर स्मृति बहु प्राविधिक शिक्षालय प्रथम, शीतल मावि चौरजहारी द्वितीय  र माध्यमिक विद्यालय खहरे तृतीय भएका छन् । स्ववियू सभापति केसीको अध्यक्षतामा भएको कार्यक्रममा जिल्ला समन्वय समिति प्रमुख लुम्बिनी गौतमको प्रमुख र चौरजहारी नगर उपप्रमुख ईश्वरी शर्मा बिएमको विशेष आतिथ्यता रहेको थियो ।