सुर्खेतमा झोलुङ्गे पुल निर्माणको क्रममा भेरी नदीमा खसेर बेपत्ता रुकुम पूर्वको सिस्ने गाउँपालिका वडा नम्बर २ प्वाङका २४ वर्षीय अनिल घर्तीको शव फेला परेको छ । बुधवार बिहान निर्माणाधीन झोलुङ्गे पुलबाट खसेर नदीमा बेपत्ता भएका दुई जना जना मध्य अनिलको शव सशस्त्र प्रहरी बल नम्बर ६ महेश्वरी बाहिनी सुर्खेतको गोताखोर टोलीले फेला पारेको हो ।
उनको शव नदीको झन्डै ४० मिटर गहिराइमा अड्किएको अवस्थामा फेला परेको बताइएको छ । नदीमा बेपत्ता रुकुम पूर्वको सिस्ने गाउँपालिका २ कै १८ वर्षीय अर्जुन झाँक्री मगरको भने खोजी भइरहेको छ । भेरी नदीमा बेपत्ता भएका दुवै जनाको खोजीका लागि नम्बर ६ महेश्वरी बाहिनीमा कार्यरत सशस्त्र प्रहरी निरीक्षक राम खत्री सहितको टोली बिहीबार बिहान पुनः घटनास्थल पुगेको थियो ।
बराहताल गाउँपालिका–४ कुटा र पञ्चपुरी नगरपालिका–१० चाम्री जोड्ने निर्माणाधीन झोलुङ्गे पुलको जाली लगाउने बेला लठ्ठाले हुत्याएपछि अनिल र अर्जुन नदीमा खसेका हुन् ।
-1739971319.jpg)
