रुकुमेली समाज विकास केन्द्रका कार्यकारी निर्देशक नरेन्द्र ओलीले एक विद्यालयलाई खेलकुदका सामग्री सहयोग गर्नुभएको छ । मुसिकोट नगरपालिका १२ निवासी ओलीले आफ्नै वडामा रहेको नेपाल राष्ट्रिय आधारभूत विद्यालय जमारुलाई खेलकुद सामग्री सहयोग गर्नुभएको हो ।

उहाँले भलिबल जाली १ थान, भलिबल १ थान, फुटबल १ थान, ब्याडमिन्टन २ थान, कर्क १ रोल, पम्प १ थान र सिठी २ थान सहयोग गर्नुभएको शिक्षक नरबहादुर ओलीले जानकारी दिनुभयो । उहाँका अनुसार विद्यालयलाई १० हजार मूल्य बराबरको सहयोग प्राप्त भएको छ ।

खेलकुद सामग्री सहयोगले विद्यार्थीहरूलाई अतिरिक्त क्रियाकलाप सञ्चालन गर्न सहज हुने शिक्षक ओलीले बताउनुभयो । खेलकुदका सामग्री सहयोग गरेर ठुलो गुण लगाएको भन्दै विद्यालयले ओलीलाई धन्यवाद समेत दिएको छ ।