काठमाडौंबाट रुकुम पश्चिम आईरहेको बस नवलपरासी पश्चिमको दाउन्नेमा दुर्घटना हुँदा ४ जनाको मृत्यु भएको छ । ना ५ ख २७१३ नम्बरको बस दुर्घटना हुँदा त्यसमा परी रुकुम पश्चिमका ३ र रुकुम पूर्वका १ जनाको मृत्यु भएको छ । रुकुम पश्चिम त्रिवेणि गाउँपालिकाकी २७ वर्षीया कल्पना पुन, मुसीकोट नगरपालिका १, का अन्दाजी २१ वर्षिय गोपाल ओली र बाँफिकोट गाउँपालिकाकी अन्दाजी ३२ वर्षिय देवी भनिने दीपा केसीको मृत्यु भएको हो । रुकुम पूर्व सिस्ने गाउँपालिका ४, का ३६ वर्षीय धनराज घर्तीको पनि उक्त दुर्घटनामा परी मृत्यु भएको छ ।
त्यस्तै ४९ जना घाईते भएका छन् । घाईते हुनेमा रुकुम पश्चिम सहित रुकुम पूर्व, सल्यान, सुर्खेत, रौतहट र सिन्धुपाल्चोकका रहेका छन् । रौतहटका चालक र सिन्धुपाल्चोकका सह चालक हुन् । घाईते मध्य सबैभन्दा बढी रुकुम पश्चिमका ३० जना रहेका छन् । जसमा पनि सबैभन्दा बढी सानीभेरी गाउँपालिकाका रहेका छन् । त्यस्तै सल्यानका ८ जना, रुकुम पूर्वका ७ जना र सुर्खेतका १ जना घाईते भएका छन् । एक जना घाईतेको भने परिचय खुल्न नसकेको प्रहरीले जनाएको छ ।
घाईतेहरुको पूर्ण विवरणः
