काठमाण्डौंबाट रुकुम पश्चिमका लागि छुटेको बस दुर्घटनामा परी मृत्यु हुने रुकुम पश्चिम र रुकुम पूर्वका रहेको खुलेको छ । ना ५ ख २७१३ नम्बरको बस दुर्घटना हुँदा त्यसमा परी रुकुम पश्चिमका ३ र रुकुम पूर्वका १ जनाको मृत्यु भएको छ ।

रुकुम पश्चिम त्रिवेणि गाउँपालिका-६, की २७ वर्षीया कल्पना पुन, मुसीकोट नगरपालिका-१, का अन्दाजी २१ वर्षिय गोपाल ओली र बाँफिकोट गाउँपालिका -५, की अन्दाजी ३२ वर्षिय देवी केसीको मृत्यु भएको हो ।

रुकुम पूर्व सिस्ने गाउँपालिका-४, का ३६ वर्षीय धनराज घर्तीको पनि उक्त दुर्घटनामा परी मृत्यु भएको छ । दुर्घटनामा परी ४९ जना घाइते भएका छन् । उक्त बस पश्चिम नवलपरासीको दाउन्नेमा दुर्घटना भएको थियो ।