रुकुम पश्चिमको मुसिकोट नगरपालिका वडा नम्बर ४ मा रहेको सिसमहलमा धार्मिक सप्ताह सुरु भएको छ । बुधबार शिव धाम सिसमहल विराट धार्मिक ज्ञान विज्ञान श्रीमद् भागवत महापुराण सप्ताह धनधान्याञ्चल पितृ मोक्ष तथा शालिग्राम पुजा अर्चना सुरु भएको हो ।

सप्ताहको मुसिकोट नगरपालिकाका प्रमुख महेन्द्र केसीले उद्घाटन गर्नुभयो । शोभा कलश, कलश यात्रा, झाँकी सहित बजार परिक्रमा, जल तथा फूलपाती यज्ञ मण्डल स्थापना सहित सप्ताहको उद्घाटन गरिएको थियो । सप्ताह फागुन १७ गतेसम्म सञ्चालन हुने हुने छ ।

सप्ताह शिव धाम सिसमहल क्षेत्र विकास संरक्षण समिति मुसिकोट नगरपालिका–४ सोलाबाङले आयोजना गरेको हो ।

सप्ताहमा हरेक दिन बिहान ६-७ बजेसम्म नित्य पूजापाठ, बिहान ७:३०-११:३० सम्म श्रीमद पाठ पारायण पुजा अर्चना तथा शालिग्राम परिक्रमा, १२ बजेदेखि ४ बजेसम्म कथा प्रवचन, राष्ट्रिय कलाकारबाट भजन कीर्तन, झाँकी, पुष्पाञ्जली तथा प्रसाद वितरण, साँझ ७:३०-१०:३० सम्म रात्रिकालीन कथा प्रवचन, राष्ट्रिय कलाकारबाट भजन कीर्तन र झाँकी प्रस्तुत हुने शिव धाम सिसमहल क्षेत्र विकास संरक्षण समितिका सचिव विमलकुमार शर्माले वानकारी दिनुभयो ।

उहाँका अनुसार १४ गते पुर्णावति तथा कथा विसर्जन हुने छ ।