रुकुम पश्चिमको चौरजहारी नगरपालिकामा गुडिरहेको मोटरसाइकलमा आगलागी भएको छ । पेट्रोल पम्पमा पेट्रोल हाली गइरहेका चौरजहारी नगरपालिका १० का विजय देवकाेटाले चलाएको मोटरसाइकलमा आगलागी भएको हो ।

रा ५ प ५१८५ नम्बरको मोटरसाइकलमा आगलागी भएको र चालक तथा पछाडि बसेका प्रदीप ढकाल सकुशल रहेको प्रहरीले जनाएको छ । पेट्रोल लिग भएर आगलागी भएको अनुमान गरिएको छ । आगलागीबाट मोटरसाइकल पूर्ण रूपमा ध्वस्त भएको छ ।