नेकपा माओवादी केन्द्रका नेता जनार्दन शर्माले राष्ट्रियता र संघीय लोकतान्त्रिक गणतन्त्र विरुद्ध रातारात शितल निवासबाट फेरि अर्को षड्यन्त्र भएको बताउनुभएको छ । राष्ट्रपति विद्यादेवी भण्डारीले नयाँ सरकार गठनका लागि दलहरुलाई २१ घण्टाको समय दिएर संविधान मिचेको भन्दै चौतर्फी विरोध भइरहेका बेला नेता शर्माले गणतन्त्र लगायतका उपलब्धि मास्ने षड्यन्त्र भइरहेको बताउनुभएको हो । ‘यो संघीय गणतन्त्र लगायतका उपलब्धि मास्ने षड्यन्त्र हो । संसद् विघटन गरेर फेरि देशलाई अराजकतातिर लैजाने कोसिस हो । यसको राजनीतिसँगै संवैधानिक र कानुनी प्रतिवाद हुन्छ, उहाँले सामाजिक सञ्जाल मार्फत भन्नुभएको छ ।’ 

राष्ट्रियता र संघीय लोकतान्त्रिक गणतन्त्र विरुद्ध रातारात शितल निवास बाट फेरि अर्को षड्यन्त्र ।

— Janardan Sharma (@JSPrabhakar) May 20, 2021