रुकुम पश्चिमको चौरजहारी नगरपालिकालाई ग्रामिण भिडियो एक्सरे मेसिन सहयोग गरिएको छ । वान हार्ट वर्ल्ड वाइटको आर्थिक सहयोगमा  रुकुमेली समाज विकास केन्द्रले नगरपालिकालाई ग्रामिण भिडियो एक्सरे मेसिन सहयोग गरेको हो । सोमबार चौरजहारी नगर प्रमुख पुष्प वादीलाई रुकुमेली समाज विकास केन्द्रका कार्यकारी निर्देशक नरेन्द्र ओलीले भिडियो एक्सरे मेसिन हस्तान्तरण गर्नुभएको हो । 

‘‘स्थानीय सरकारको साझेदारीमा संचालित मातृ तथा नवजात शिशु स्वास्थ्य सेवा सुद्धढीकरण’’  परियोजना अन्तरर्गत  मेसिन सहयोग गरिएको हो । नगरपालिकाको कोटजहारी प्राथमिक स्वास्थ्य केन्द्रको लागि २ लाख २३ हजार ७ सय ५३ रुपैयाँकाे  एक वटा ग्रामिण भिडियो एक्सरे मेसिन सहयोग गरिएको वान हर्ट वल्र्ड वाइटका जिल्ला संयोजक लोकमणी गिरीले जानकारी दिनुभयो । 

मेसिन उपलब्त्र भएसँगै समुदाय स्तरमा गर्भवती महिलाको स्वास्थ्य स्थिति पहिचान गरी जटिल  खालका केसलाई समयमै माथिल्लो निकायमा पुर्याई गर्भवती महिलालाई थप जटिलता हुनबाट जोगाउन सहयोग पुग्ने अपेक्षा गरिएको छ । एक्सरे मेसिन संचालन गर्न नर्सलाई सहज होस भनेर संस्थाले ६ वटै पालिकामा कार्यरत नर्सलाई यसअघीनै २१ दिनको प्राविधिक तालिम समेत प्रदान गरिसकेको जनाएको छ । अन्य पालिकामा ग्रामिण भिडियो एक्सरे मेसिन यस अघिनै सहयोग  गरिसकेको संस्थाले जनाएको छ । 

मेसिन सहयोग गर्ने संस्थालाई नगर प्रमुख पुष्प वादीले धन्यवाद ज्ञापन गर्नुका साथै नगरपालिकाबाट हुने सर सहयोग गर्न आफु स‌धै तयार रहको बताउनुभएको थियो ।