रुकुम पूर्वमा रहेको सिस्ने शिक्षा क्याम्पसको स्ववियु निर्वाचनमा अखिल क्रान्तिकारीका अम्मर खत्रीको प्यानल विजयी भएको छ ।  आज भएको स्वतन्त्र विद्यार्थी युनियन स्ववियु निर्वाचनमा नेकपा माओवादी निकट अखिल  क्रान्तिकारीका उम्मेदवार खत्रीको प्यानल विजयी भएको हो ।

खत्री एक सय ३५ मत पाएर अध्यक्षमा विजय हुनुभएको हो । उहाँका प्रतिस्पर्धी नेकपा एमाले निकट अनिरास्ववियुका अनिशकुमार आचार्यले ३४ र नेपाली काँग्रेस निकट नेपाल विद्यार्थी संघका उम्मेदवार अर्जुन बुढाले २५ मत मात्र प्राप्त गर्नुभयो ।  

यस्तै सचिवमा अखिल क्रान्तिकारीका विशाल घर्ती निर्वाचित हुनुभएको छ । उहाँले एक सय ४२ मत प्राप्त गर्दा प्रतिस्पर्धी नेपाल विद्यार्थी संघका प्रकाश केसीले २५ र अनेरास्ववियुका तिर्था जैसीले २६ मत मात्र पाउनुभयो ।

कोषाध्यक्षमा अखिल क्रान्तिकारी उम्मेदवार अनुपा विक निर्वाचित हुनुभएको छ। उहाँले एक सय ३५ प्राप्त गर्दा अनेरास्ववियुकी ताराकुमारी ओलीले २८ र

नेपाल विद्यार्थी संघकी पूजा विसीले २७ मत मात्र प्राप्त गर्नुभएकाे निर्वाचन समितिले जनाएकाे छ ।

सदस्यमा अखिल क्रान्तिकारीका गंगा सार्की एक सय ३६, उषा छिनाल एक सय ३१, सुधा ओली एक सय ३६, उषा थापा एक सय ३६ र  सुनिता रोका एक सय ३० मत ल्याएर विजयी हुनुभएको छ ।  

निर्वाचन समितिका अनुसार २ सय मत खसेको थियो भने एक सय ९८ मत सदर तथा दुई मत बदर भएको थियो ।