Kakhara सबैको खबर सम्पूर्ण खबर
सेरिगाँउमा विद्युत लाइन सर्ट हुँदा एक घरमा आगलागी

रुकुम पश्चिमको मुसिकोट नगरपालिका वडा नम्बर ५ सेरिगाउँमा एक घर आगलागी भएको छ । आज ४:२० बजेको समयमा कृष्णबहादुर बुढाको घर विद्युत  लाइन सर्ट भएर आगलागी भएको हो । बुढाको दुई तले ढुङ्गा माटोले बनेको घर आगलागी भएको जिल्ला प्रहरी कार्यालयका निमित्त कार्यालय प्रमुख प्रहरी निरीक्षक ॠषी पाठकले जानकारी दिनुभयो ।

उहाँका अनुसार बुढाको माथिल्लो तलाको पश्चिम पट्टीको कोठामा विद्युतको तार सर्ट हुँदा घरमा रहेका अन्नपात, लत्ता कपडा, भाडावर्तन जलेर नष्ट भएको उहाँको भनाइ छ ।  मानवीय क्षति भने भएको छैन । घरमा लागेको आगो  सशस्त्र प्रहरी, नेपाल प्रहरी, नगर प्रहरी र स्थानीयबासीहरुको सहयोगमा नियन्त्रणमा लिएको प्रहरीले जनाएको छ । थप क्षतिको विवरण आउन बाँकि छ । 

प्रकाशित मिति: बुधबार, चैत ६, २०८१  १७:२५
प्रतिक्रिया दिनुहोस्
Weather Update