रुकुम पश्चिममा माध्यमिक शिक्षा  परीक्षा (एसइई) को सम्पुर्ण तयारी पूरा भएको छ । भोलिदेखि देशैभर एकैसाथ हुने माध्यमिक शिक्षा  परीक्षा (एसइई) को रुकुम पश्चिममा पनि सम्पुर्ण तयारी पूरा भएको हो । केन्द्राध्यक्षलाई परीक्षा सम्बन्धी अभिमुखिकरण तालीम, परीक्षा केन्द्रमा उत्तरपुस्तिका पुर्याउने, परीक्षा केन्द्रमा खटिने केन्द्राध्यक्ष, सहायक केन्द्राध्यक्ष, निरीक्षक, सहायक निरीक्षक, कार्यालय सहयोगी छनोट लगायतको सम्पुर्ण तयारी पूरा भएको शिक्षा विकास समन्वय इकाई रुकुम पश्चिमका प्रमुख ताराप्रकाश पुनले जानकारी दिनुभयो  ।

उहाँका अनुसार परीक्षाको लागि १५ जना केन्द्राध्यक्ष, २४ जना सहायक केन्द्राध्यक्ष, १ सय ८३ जना निरीक्षक, ३७ जना सहायक निरीक्षक,  खट्दै छन् । त्यस्तै ७३ जना कार्यालय सहयोगी र २ सय २५ जना  नेपाल प्रहरी खटाएको समन्वय प्रमुख पुनले जानकारी दिनुभयो ।

यस जिल्लाका  रुकुम  १५ वटा परीक्षा केन्द्रबाट  साधारण तर्फ १७ सय ३३ छात्र र १६ सय ५ छात्र, प्राविधिक धारतर्फ १  सय ६, ग्रेड वृद्धितर्फ २ सय २६ गरी कुल ३ हजार ६ सय ७० परीक्षार्थी एसइइ परीक्षामा  सहभागी हुँदै छ्न । यस वर्ष विद्यार्थीको संख्या घटेका कारण २३ वटा परीक्षा केन्द्रबाट घटाएर १५ वटा परीक्षा केन्द्र कायम गरिएको छ ।