Kakhara सबैको खबर सम्पूर्ण खबर
एसइई परीक्षा: रूकुम पूर्वमा ११९५ परीक्षार्थी 

यस वर्षको माध्यमिक शिक्षा एसइई परीक्षा सुरु भएको छ । देशै भरी बिहान ८ बजे देखि परीक्षा सुरु भएको हो । रुकुम पूर्वमा पनि परीक्षा सुरु भएको छ । जिल्ला आठ परीक्षा केन्द्रबाट परीक्षा सुरु भएको हो । यस वर्ष जिल्ला ११ सय ९५ जना विद्यार्थीले  परीक्षा दिने लागेका छन् ।

६ सय २१ जना छात्रा  र  पाँच  सय ७४ जना छात्र गरी कुल ११ सय ९५ जना विद्यार्थीले माध्यमिक शिक्षा परीक्षा एसइई दिन लागेको शिक्षा विकास  तथा समन्वय इकाई प्रमुख तिलक गौतमले जानकारी दिनुभयो । 

नियमित  साधारण तर्फ चार सय ६९ छात्रा र चार सय २५ छात्र गरी कुल आठ ९४, नियमित प्राविधिक तर्फ १४ छात्रा र १२ छात्र गरी कुल २६ जना विद्यार्थीले परीक्षा दिन लागेका छन् ।

यस्तै ग्रेड वृद्धि  साधारण नयाँ छात्रा एक सय ३५  र छात्र एक सय ३० गरी कुल दुई सय ६५, ग्रेड वृद्धि प्राविधिक एक छात्रा र चार छात्र गरी कुल पाँच तथा ग्रेड वृद्धि साधारण पुरानो दुई छात्रा र तीन छात्र पाँच जना विद्यार्थीले परीक्षा दिन लागेको शिक्षा  विकास तथा समन्वय इकाई प्रमुख गौतमले जानकारी दिनुभयो । २५ वटा सामुदायिक र एउटा संस्थागत गरी कुल २६ वटा विद्यालयका परीक्षामा सहभागी भएका छन् । 

सिस्नेमा पाँच भूमेमा दुई तथा पुथाउत्तरगंगा एउटा परीक्षा केन्द्र तोकिएको छ। पुथामा महेन्द्र मावि तक, भूमेमा सहिद शुक्र मावि सीमा र जनजागृति मावि महतलाई परीक्षा केन्द्र तोकिएको छ। 

यस्तै सिस्नेमा हिमालय मावि नायगाड, जनता मावि पोखरा, त्रिभुवन जनता मावि छिप्रीदह कोट मावि रुमालबारा र रुक्मिणी मावि रुकुमकोट लाई परीक्षा केन्द्र तोकिएको हो ।सोही विद्यालयका प्रधानाध्यापकहरूलाई केन्द्राध्यक्षको जिम्मेवारी दिइएको छ ।

रुक्मिणी माविमा चन्द्र बहादुर मल्ल, त्रिभुवन माविमा मदन कुमार गौतम, हिमाल माविमा पूर्ण बहादुर बोहरा, जनता माविमा कलु खड्का, जनजागृति माविमा सुदीप श्रेष्ठ, सहिद शुक्र माविमा अनिलकुमार आचार्य, कोट माविमा शरदचन्द्र समाल र महेन्द्र माविमा राजधन घर्ती नियुक्त भएका छन् ।

प्रकाशित मिति: बिहीबार, चैत ७, २०८१  ०८:०१
प्रतिक्रिया दिनुहोस्
Weather Update