रुकुम पश्चिममा माध्यमिक शिक्षा  परीक्षा (एसइई)का लागि ३ हजार ६ सय ७० परीक्षार्थी रहेका छन् । परीक्षा आजबाट सुरु भएको छ ।  जिल्लामा १५ वटा परीक्षा केन्द्रबाट  साधारण तर्फ १७ सय ३३ छात्र र १६ सय ५ छात्र, प्राविधिक धार तर्फ १  सय ६, ग्रेड वृद्धितर्फ २ सय २६ गरी कुल ३ हजार ६ सय ७० परीक्षार्थी एसइई परीक्षामा  सहभागी हुँदै छन् । यस वर्ष विद्यार्थीको संख्या घटेका कारण २३ वटा परीक्षा केन्द्रबाट घटाएर १५ वटा परीक्षा केन्द्र कायम गरिएको छ ।

शिक्षा विकास समन्वय इकाई रुकुम पश्चिमका प्रमुख ताराप्रकाश पुनका अनुसार परीक्षाको लागि १५ जना केन्द्राध्यक्ष, २४ जना सहायक केन्द्राध्यक्ष, १ सय ८३ जना निरीक्षक, ३७ जना सहायक निरीक्षक खटिएका छन् । त्यस्तै ७३ जना कार्यालय सहयोगी र २ सय २५ जना  नेपाल प्रहरी खटाइएको समन्वय प्रमुख पुनले जानकारी दिनुभयो ।